Archeologia

In su sartu de Mandas ant agatau arrestus chi amostant comenti s’òmini at bìviu innoi de sighiu giai de s’edadi nuragesa. Funt de custu periudu is arrestus de corantotu nuraxis e biddixeddas, intra de custus Su Angiu (let. su Bangiu) cun su nuraxi a tholos, cussu de Ardiddi e sa tumba de is gigantis de S’Arruina de su porcu. Po si chi pertocat is arrestus de is fenìciu-pùnicus e agoa de is romanus, est abarrau unu tretu de bia Caralis-Ulbia,, calincunu arrestu de biddixeddas e de is campusantus. In su situ archeologicu de Su Bàngiu ddoi at arrestus de una biddixedda fenìciu-pùnica e asuba de una romana; de innoi benit sa navixedda votiva de bronzu cun conca de boi e cun sa barandìllia stampeddada, allacanada a culunnas piticheddeddas chi acabant a discu, e chi tenit impitzus, in mesu, dus corrus de boi o una luna crescendi, anca ddoi at puru una columba, sentidu de sa Dea Madre, allogada e amostada me in su Museu Arceologicu de Casteddu.